مشرقی پاکستان کو علیحدہ ہوئے 53 برس گزرگئے، اس سانحہ کے حوالے سے ملک بھر میں سیاسی و سماجی تنظیموں کے زیر اہتمام مختلف تقریبات کا اہتمام کیا گیا ۔مشرقی پاکستان کے علیحدہ ہونے کا سانحہ 16 دسمبر 1971 کو پیش آیا تھا جسے یوم سقوطِ ڈھاکا کے طور پر یاد کیا جاتا ہے۔قیام پاکستان کے 24 سال بعد آج ہی کے دن پاکستان کا مشرقی بازو ہم سے الگ ہوگیا تھا جسے قوم سقوطِ ڈھاکا کے نام سے یاد کرتی ہے۔ماضی کی تلخ یادیں اب بھی تازہ ہیں لیکن یہ دن ماضی سے سیکھنے اور دشمن کی چالوں سے خبردار رہنے کی یاد دہانی کراتا ہے۔ اگرچہ بنگلادیش آج آزاد ملک ہے مگر دونوں ملکوں کے درمیان نفرت اور تقسیم کی جو دیوار کھڑی کی گئی تھی وہ وقت گزرنے کے ساتھ اب ڈھے رہی ہے۔اس عظیم سانحہ کے حوالے سے ملک بھر میں سیاسی و سماجی تنظیموں کے زیر اہتمام مختلف تقریبات کا اہتمام کیا گیا تھا جن سے خطاب کرتے ہوئے مقررین نے سقوطِ ڈھاکہ کے محرکات پرروشنی ڈالی ۔

کریڈٹ : انڈیپنڈنٹ نیوز پاکستان-آئی این پی