امریکا کے ایک اہم سیاسی نمائندے اور نو منتخب امریکی صدر ڈونلڈ ٹرمپ کے خصوصی مشنز کے لیے نامزد ایلچی رچرڈ گرینل نے بانی پی ٹی آئی عمران خان کی رہائی کا مطالبہ کیا ہے۔ یہ بیان انہوں نے سماجی رابطوں کی ویب سائٹ ایکس پر ایک پوسٹ کے ذریعے دیا۔ رچرڈ گرینل کے بیان کے بعد تحریک انصاف کے حامی صارفین نے اسے عمران خان کی حمایت میں ایک اہم پیش رفت قرار دیا۔ سابق صدر عارف علوی نے گرینل کے پیغام کو سراہتے ہوئے کہا کہ یہ دنیا بھر میں عمران خان کی رہائی کے لیے بڑھتے ہوئے دبائو کی عکاسی کرتا ہے۔

کریڈٹ : انڈیپنڈنٹ نیوز پاکستان-آئی این پی