انسداد دہشتگردی عدالت نے مسلم لیگ ن کا دفتر جلانے کے مقدمہ میں پی ٹی آئی رہنمائوں ڈاکٹر یاسمین راشد، میاں محمود الرشید و دیگر پر 4 فروری کو فرد جرم عائد کرنے کی تاریخ مقرر کردی۔لاہور کی انسداد دہشتگردی عدالت میں پی ٹی آئی رہنمائوں کیخلاف 9 مئی مقدمہ کی سماعت ہوئی، اے ٹی سی کے جج ارشد جاوید نے 9 مئی کو مسلم لیگ ن کا دفتر جلانے کے کیس کی سماعت کی۔پی ٹی آئی رہنماں ڈاکٹر یاسمین راشد، میاں محمود الرشید، اعجاز چودھری اور عمر سرفراز چیمہ کو جیل سے عدالت پیش کیا گیا جبکہ پی ٹی آئی کی سوشل میڈیا ایکٹوسٹ صنم جاوید سمیت دیگر ملزمان حاضری کیلئے عدالت پیش ہوئے۔عدالت نے مسلم لیگ ن کا دفتر جلانے کے کیس میں فردجرم کیلئے 4 فروری کی تاریخ مقرر کردی۔خیال رہے کہ پی ٹی آئی رہنمائوں پر بغاوت اور کارکنان کو جلا ئوگھیرا ئوپر اکسانے کا الزام ہے، ایک مقدمہ میں پی ٹی آئی رہنمائوں پر گزشتہ سماعت پر فرد جرم عائد ہوئی تھی ، ملزمان پر مسلم لیگ ن کا دفتر جلانے کے دو مقدمات تھانہ ماڈل ٹائون میں درج ہیں۔ملزمان پر عدالت نے مقدمہ نمبر 366/23 میں گزشتہ سماعت پر فرد جرم عائد کی تھی ،آئندہ سماعت پر مسلم لیگ ن کا دفتر جلانے کے مقدمہ 367/23 میں فرد جرم آئندہ سماعت پر عائد ہو گی ۔
کریڈٹ: انڈیپنڈنٹ نیوز پاکستان-آئی این پی