لوئر کرم کے علاقے بگن میں ڈی سی کرم جاوید اللہ محسود پر حملے میں ملوث ایک اور ملزم کو گرفتار کرلیا گیا جبکہ پشاور کے کمبائنڈ ملٹری ہسپتال (سی ایم ایچ ) میں سابق ڈپٹی کمشنر کرم جاوید محسود کا کامیاب آپریشن کیا گیا۔پولیس کے مطابق ڈی سی کرم پر حملے کے مقدمے میں نامزد5 ملزمان میں سے اب تک 3 ملزمان گرفتار ہوچکے ہیں۔دوسری جانب سی ایم ایچ پشاور میں سابق ڈی سی کرم جاوید محسود کا کامیاب آپریشن ہوگیا۔ڈاکٹرز نے آپریشن کر کے جاوید محسود کی ران کی ہڈی جو ڑدی۔ ان کو جسم میں تین گولیاں لگی ہیں۔ ایک گولی کندھے، دوسری پیٹ اور تیسری ٹانگ میں لگی۔علاوہ ازیں زخمی سابق ڈی سی کے جسم سے ابھی تک گولیاں نہیں نکالی گئیں۔یاد رہے کہ 4 جنوری کو لوئر کرم کے علاقے بگن میں نامعلوم شرپسندوں کی فائرنگ سے ڈی سی کرم جاوید محسود سمیت 7 افراد زخمی ہوگئے تھے۔جاوید محسود کو ایک گولی کندھے، دوسری پیٹ اور تیسری گولی ٹانگ میں لگی تھی۔اس واقعہ کے بعد کرم کے لیے 3 ماہ بعد کھانے پینے کا سامان لے جانے والا قافلہ روک دیا گیا۔

کریڈٹ : انڈیپنڈنٹ نیوز پاکستان-آئی این پی