امریکا کے 98سالہ سابق صدر جمی کارٹر نے ہسپتال کے بجائے گھر پر ہی ہاسپیس کیئر حاصل کرنے اور اپنا باقی وقت گھر میں اپنے خاندان کے ساتھ گزارنے کا فیصلہ کیا ہے، 98سال کی عمر میں کارٹر سب سے طویل عرصے تک زندہ رہنے والے امریکی صدر ہیں،غیر ملکی میڈیا کے مطابق کارٹر سنٹر (سابق صدر کی فائونڈیشن )نے اپنے ایک بیان میں بتایا کہ کارٹر نے ہسپتال میں مختصر قیام کے سلسلے کے بعد اپنا باقی وقت گھر پر اپنے خاندان کے ساتھ گزارنے اور اضافی طبی مداخلت کے بجائے ہسپتال کی دیکھ بھال حاصل کرنے کا فیصلہ کیا،کارٹر سنٹر کا کہنا تھا کہ سابق صدر کو اس فیصلے میں اپنے خاندان اور اپنی طبی ٹیم کی مکمل حمایت حاصل ہے جبکہ ان کا خاندان اس وقت کے دوران پرائیویسی کا مطالبہ کرتا ہے اور اپنے مداحوں کی طرف سے ظاہر کی گئی تشویش کے لیے شکر گزار ہے،واضح رہے کہ جمی کارٹر ایک ڈیموکریٹ سیاستدان تھے جنہوں نے جنوری 1977سے جنوری 1981تک صدر کے طور پر خدمات انجام دیں۔

کریڈٹ: انڈیپنڈنٹ نیوز پاکستان-آئی این پی