دبئی کی جنرل ڈائریکٹریٹ برائے شناخت و غیر ملکی امور نے ورلڈ گورنمنٹ سمٹ کے لوگو پر مشتمل خصوصی اسٹامپ متعارف کرایا ہے، جو دبئی کے فضائی داخلہ پوائنٹس پر ملک میں آنے والے مسافروں کے پاسپورٹس پر لگائی جائے گی۔ اس اسٹامپ کے ذریعے ادارہ ورلڈ گورنمنٹ سمٹ کے 12ویں ایڈیشن کی حمایت اور اس کے اہداف کے بارے میں عوامی اور زائرین میں آگاہی بڑھانے کی کوشش کرے گا تاکہ حکومتوں کے لیے ایک زیادہ ترقی یافتہ اور پائیدار مستقبل کی تشکیل کی طرف کام کیا جا سکے۔عرب خبر رساں ادارے کے مطابق یہ اقدام ادارے کی مسلسل کوششوں کا حصہ ہے تاکہ وہ بہترین سروس کے معیار کو نافذ کرے اور معاشرتی سلامتی میں اپنا کردار ادا کرے، نیز زائرین کے لیے ایک شاندار تجربہ فراہم کرے۔یہ اسٹامپ ایک خوش آمدیدی علامت کے طور پر کام کرے گا اور یو اے ای حکومت کی جدت اور بین الاقوامی تعاون کے مرکز کے طور پر شناخت کو اجاگر کرے گا۔ اس کے ساتھ ساتھ زائرین کو معلوماتی کارڈز بھی فراہم کیے جائیں گے، جن میں سمٹ اور اس کے اہم موضوعات کے بارے میں تفصیلی معلومات فراہم کی جائیں گی تاکہ آگاہی بڑھائی جا سکے اور اس عالمی ایونٹ میں شرکت کو فروغ دیا جا سکے۔

اس اقدام پر تبصرہ کرتے ہوئے، دبئی کی جنرل ڈائریکٹریٹ برائے شناخت و غیر ملکی امور کے ڈائریکٹر جنرل لیفٹیننٹ جنرل محمد احمد المری نے کہا کہ یہ قدم ادارے کے اس وژن کے مطابق ہے جس کا مقصد ملک کی عالمی شہرت کو بڑھانا اور قومی اقدامات کی حمایت کرنا ہے۔ورلڈ گورنمنٹ سمٹ دنیا کے اہم ترین فورمز میں سے ایک ہے، جو دنیا بھر سے رہنماں، ماہرین اور فیصلہ سازوں کو اکٹھا کرتی ہے تاکہ اہم مسائل پر تبادلہ خیال کیا جا سکے اور حکومت کے مستقبل کے کاموں کیلئے کی تلاش کی جا سکے۔ اس کے ذریعے، جنرل ڈائریکٹریٹ اپنے ادارہ جاتی معیار اور بین الاقوامی تعاون کی کوششوں کے ذریعے اس ایونٹ کی کامیابی میں اپنا حصہ ڈالتا ہے، جو پائیدار ترقی اور زندگی کے معیار کو بہتر بنانے میں معاون ثابت ہوتا ہے۔اس اقدام کے ذریعے، جنرل ڈائریکٹریٹ برائے شناخت و غیر ملکی امور یو اے ای کی اسٹریٹیجک منصوبوں میں اپنا قائدانہ کردار دوبارہ ثابت کرتا ہے، جو معاشرتی سلامتی کو مضبوط کرنے اور یو اے ای کو مستقبل کا ملک بنانے کے لیے ایک جدید طریقہ اختیار کرتا ہے۔

کریڈٹ: انڈیپنڈنٹ نیوز پاکستان-آئی این پی