اسرائیل کا لبنان میں حزب اللہ کے خلاف حملوں میں جدید ٹیکنالوجی کا استعمال کرتے ہوئے پیجر ڈیوائسز دھماکوں سے اڑا دیں، 9 اہلکار جاں بحق جبکہ ہزاروں زخمی ہوگئے،عرب میڈیا کے مطابق لبنان کے مختلف علاقوں میں حزب اللہ ارکان کے پیجرز میں ایک ساتھ دھماکے ہوئے، رابطوں کے لیے استعمال ہونے والی پیجر ڈیوائسز میں دھماکوں سے حزب اللہ کے تقریبا اڑھائی ہزار اہلکار زخمی ہوئے،عرب میڈیا کے مطابق پیجر ڈیوائسز میں دھماکے جنوبی لبنان اور بیروت کے نواحی علاقوں میں ہوئے، حزب اللہ کے زخمی ارکان کو ہسپتال پہنچا دیا گیا ہے جن میں سے کئی کی حالت تشویش ناک ہے،ایرانی میڈیا کے مطابق پیجرز دھماکوں کے نتیجے میں لبنان میں ایران کے سفیر مجتبی امانی بھی زخمی ہوئے ہیں، زخمیوں میں سے اکثر کو ہاتھوں، پیروں، چہروں اور آنکھوں پر زخم آئے ہیں۔حزب اللہ کے ایک عہدے دار نے نام ظاہر نہ کرنے کی شرط پر غیر ملکی میڈیا سے بات کرتے ہوئے کہا کہ پیجرز میں دھماکا ہونا موجودہ جنگ کے دوران سکیورٹی کی سب سے بڑی ناکامی ہے، پیجرز میں دھماکوں کا سلسلہ دوپہر 3بج کر 45منٹ پر شروع ہوا جو تقریبا ایک گھنٹے تک جاری رہا۔،عرب میڈیا کا کہنا ہے کہ زخمیوں کیلیے ہسپتالوں میں جگہ کم پڑ گئی، اسپتالوں میں ہائی الرٹ کردیا گیا ہے، عینی شاہدین کا کہنا ہے کہ 400سے زیادہ افراد اسپتالوں میں لائے گئے ہیں۔

کریڈٹ: انڈیپنڈنٹ نیوز پاکستان-آئی این پی