شکارپور میں شر اور بڈانی جتوئی برادریوں کے درمیان خونی تصادم میں شر برادری کے 5 افراد جاں بحق ہوگئے۔پولیس کے مطابق واقعہ پرانی دشمنی کے نتیجے میں پیش آیا۔ مرنے والوں میں باپ، دو بیٹے، بھائی اور ایک مہمان شامل ہے۔ اطلاع ملتے ہی پولیس کی بھاری نفری جائے وقوع پر پہنچی اور لاشوں اور زخمیوں کو اسپتال منتقل کیا۔ حکام کے مطابق بڈانی برادری کی جانب سے راکٹ لانچر سے حملہ کیاگیا۔ تحقیقات جاری ہیں ۔ ملزمان کو قرار واقعی سزا ملے گی۔

کریڈٹ: انڈیپنڈنٹ نیوز پاکستان-آئی این پی