وفاقی وزیر مواصلات اور صدر استحکام پاکستان پارٹی عبدالعلیم خان کی دیوالی کے تہوار پر ہندو برادری کو مبارکباد دیتے ہوئے کہا ہے کہ دیوالی روشنیوں کا تہوار اور امن وخوشحالی کا پیغام ہے۔ پاکستان اور دنیا بھر کی ہندو برادی کو دیوالی کی خوشیاں مبارک ہوں۔سماجی رابطے کی ویب سائٹ "ایکس "پر تہنیتی پیغام میں عبدالعلیم خان کا مزید کہنا تھا بین المذاہب ہم آہنگی ملکی استحکام کیلئے ناگزیر ہے۔ ہر ایک کو ہندو برادری کی خوشیوں میں شریک ہونا چاہیے۔عبدالعلیم خان نے کہا کہ پاکستان تمام مذاہب اور عقائد کی عبادات کیلئے محفوظ ملک ہے۔ تمام مذہبی اکائیاں مل کر پاکستان کو مضبوط بنا رہی ہیں۔ ملکی ترقی کیلئے مثبت سوچ سے آگے بڑھانا ہوگا۔

کریڈٹ: انڈیپنڈنٹ نیوز پاکستان-آئی این پی