موسم کی خرابی اور انتظامی مسائل کے باعث ملک بھر کی 12 پروازیں منسوخ کر دی گئیں جبکہ 32 تاخیر کا شکار ہیں۔ فلائٹ شیڈول کے مطابق شارجہ کراچی کی غیر ملکی ایئر لائن کی 2 جبکہ قومی ایئر لائن کی کراچی سے سکھر اور لاہور کی 5 پروازیں منسوخ کر دی گئیں۔ فلائٹ شیڈول کے مطابق قومی ایئر کی کراچی دبئی کی 1، اسلام آباد دبئی اور گلگت کی 3 پروازیں منسوخ کی گئی ہیں۔ غیرملکی ایئر کی بھی لاہور ریاض کی ایک پرواز منسوخ کی گئی ہے۔ فلائٹ شیڈول کے مطابق اسلام آباد کی 13 اور لاہور کی 9 پروازیں تاخیر کا شکار رہیں ۔ اسی طرح ملتان، فیصل آباد، سیالکوٹ اور پشاور کی بھی 10 پروازویں تاخیر کا شکار ہوگئیں۔

کریڈٹ: انڈیپنڈنٹ نیوز پاکستان-آئی این پی