کراچی کے نشتر روڈ پر رات گئے ڈمپر کی ٹکر سے شوہر جاں بحق اور بیوی کے زخمی ہونے کے بعد مشتعل افراد نے ڈمپر کو آگ لگا دی۔ڈمپر ایسوسی ایشن کے صدر لیاقت محسود کے خلاف پہلا مقدمہ گارڈن تھانے میں درج کر لیا گیا ، ایف آئی آر ایچ آر سی پی، ایم کیو ایم کے رکن رابطہ کمیٹی کامران فاروقی، ارسلان صدیقی، عبد القادر میمن ،نعمان راجپوت کی موجودگی میں درج کی گئی۔حادثے کے بعد جائے وقوعہ پر ڈمپر ایسوسی ایشن کے لیاقت محسود مسلح گارڈ کے ہمراہ پہنچے تو انہیں دیکھ کر عوام مشتعل ہو گئے۔ اس موقع پر جاتے جاتے ڈبل کیبن میں سوار لیاقت محسود کے گارڈ نے عوام پر فائرنگ کر دی۔پولیس نے حادثے کے بعد فرار ہونے والے ڈرائیور کو گرفتار کر لیا ہے ، دوسری جانب ڈمپر ایسوسی ایشن کے صدر لیاقت محسود کا کہنا ہے کہ گارڈن پر حادثے کے بعد ڈمپر کو جلایا گیا تو ایس ایس پی کو فون کرکے کہا کہ پولیس کی زیادہ سے زیادہ نفری لے کر پہنچیں۔

کریڈٹ: انڈیپنڈنٹ نیوز پاکستان-آئی این پی