کراچی کے علاقے اورنگی ٹائون کے ایک گھر میں بنے گودام میں آگ لگنے سے جھلس کر زخمی ہونے والا شخص دوران علاج سول اسپتال کے برنس وارڈ میں دم توڑ گیا۔تفصیل کے مطابق پاکستان بازار کے علاقے اورنگی ٹان سیکٹر ساڑھے گیارہ مہاجر چوک کے قریب گزشتہ شام گھر میں آتشزدگی کے باعث جھلس کر شدید زخمی ہونے والا 35 سالہ خرم ولد احتر حسین رات گئے سول اسپتال کے برنس وارڈ میں دوران علاج زخموں کی تاب نہ لاتے ہوئے دم توڑ گیا۔ ابتدائی طور پر معلوم ہوا ہے گھر میں گودام بنا ہوا تھا جس میں نامعلوم وجوہات کی بنا پر آگ لگ گئی جس سے خرم جھلس کر زخمی ہوا تھا ۔

کریڈٹ: انڈیپنڈنٹ نیوز پاکستان-آئی این پی