برازیل میں ہونے والی کاپ تھرٹی کانفرنس کے موقع پر حکومت پنجاب کی جانب سے بھی پاکستان پویلین قائم کر دیا گیا ۔ پویلین کا عنوان فرام دی انڈس ٹو دی ایمازون رکھا گیا ہے۔پویلین میں ستھرا پنجاب سمیت حکومت کے گزشتہ ڈیڑھ سال میں کئے اقدامات کو اجاگر کیا گیا ہے ۔ کاپ تھرٹی میں پاکستانی پویلین میں قومی پرچم کو لہرانے کے ساتھ ساتھ بڑی اسکرینز بھی نصب کی گئی ہیں ۔ پویلین میں ماحول کی بہتری کے حکومتی اقدامات کے بارے میں ڈاکو مینٹریز پیش کی جا رہی ہیں ۔ وزیراعلی پنجاب مریم نواز پاکستان پویلین کا باضابطہ افتتاح کریں گی ۔ اس موقع پر وزیراعلی مریم نواز خطاب میں پنجاب حکومت کی ماحول دوست پالیسیوں پر اظہار خیال کریں گی۔

کریڈٹ: انڈیپنڈنٹ نیوز پاکستان-آئی این پی