اوباڑو میں تین قبائل کے درمیان فائرنگ کے تبادلے اور ان مسلح گروہوں کے خلاف پولیس اور رینجرز کے مشترکہ آپریشن میں 15 افراد ہلاک ہو گئے۔پولیس کے مطابق اوباڑو میں تین قبائل کے مسلح تصادم کے بعد پولیس اور رینجرز کا مشترکہ آپریشن جاری ہے، ڈاکوں سے فائرنگ کے تبادلے میں ایک پولیس اہلکار شہید ہوا ہے۔پولیس حکام نے بتایا کہ فورسز کے آپریشن کے دوران شر گینگ کے 9 مسلح ملزمان مارے گئے، 7 ملزمان کی لاشیں ہسپتال منتقل، مزید لاشیں تحویل میں لینے کی کوشش جاری ہے۔بتایا گیا ہے کہ مسلح افراد کی فائرنگ میں سیلرا اور دوندو قبیلوں کے 6 افراد ہلاک ہوئے، آپریشن کے دوران ایک پولیس اہلکار امجد درگھ شہید، 2 پولیس اہلکار زخمی ہوئے۔پولیس حکام نے بتایا ہے کہ کچے میں آپریشن جاری ہے، مسلح گروہوں کے خلاف مکمل کارروائی کے لیے مزید نفری بھی طلب کر لی گئی ہے۔

کریڈٹ: انڈیپنڈنٹ نیوز پاکستان-آئی این پی