گورنر سندھ کامران ٹیسوری نے کہا ہے کہ بھارتی سرپرستی میں سرگرم دہشتگردوں کا قلع قمع کرنا ملکی سلامتی کیلئے ناگزیر ہے۔اپنے ایک بیان میں گورنر سندھ کامران خان ٹیسوری نے خیبرپختونخوا میں فتنہ خوارج کے خلاف کامیاب کارروائیوں پر سکیورٹی فورسز کو خراجِ تحسین پیش کرتے ہوئے کہا کہ بھارتی پشت پناہی میں سرگرم فتنہ خوارج کے 13 دہشتگردوں کی ہلاکت سکیورٹی فورسز کی موثر حکمتِ عملی کا نتیجہ ہے۔گورنر سندھ کا کہنا تھا کہ پاک فوج اور قانون نافذ کرنے والے اداروں کی بروقت اور انٹیلی جنس بیسڈ کارروائیوں کو خراجِ تحسین پیش کرتے ہیں، بیرونی پشت پناہی میں سرگرم دہشتگرد عناصر کا خاتمہ قومی یکجہتی اور اجتماعی عزم سے ہی ممکن ہے۔

کریڈٹ: انڈیپنڈنٹ نیوز پاکستان-آئی این پی