سندھ حکومت کی جانب سے 27 دسمبر بروز ہفتے کو صوبے بھر میں عام تعطیل کا اعلان کردیا گیا سابق وزیراعظم شہید بینظیر بھٹو کی برسی کے موقع پر صوبائی حکومت نے عام تعطیل کا اعلان کردیا ، سندھ حکومت نے جاری بیان میں کہا کہ 27 دسمبر کو شہید بینظیر بھٹو کی برسی کے موقع پر عام تعطیل ہوگی۔حکومت سندھ کی جانب سے جاری نوٹیفکیشن کے مطابق سندھ بھر میں سرکاری، نیم سرکاری دفاتر اور مقامی ادارے بند رہیں گے۔اس سے قبل سندھ حکومت نے 25 دسمبر یوم قائد اعظم اور کرسمس کے موقع پر بھی عام تعطیل کا اعلان کیا تھا۔سندھ حکومت نے یوم قائد اعظم اور کرسمس کے موقع پر عام تعطیل کا نوٹیفکیشن بھی جاری کیا 26 دسمبر کو مسیحی ملازمین کے لیے جزوی تعطیل کا اعلان کیا گیا ہے۔25 دسمبر بروز جمعرات کو سندھ حکومت کے ماتحت ادارے اور سرکاری اور نجی اسکولوں میں تعطیل ہوگی۔

کریڈٹ: انڈیپنڈنٹ نیوز پاکستان-آئی این پی