خیبر پختونخوااسمبلی کے اسپیکر بابر سلیم سواتی نے وزیراعلی سہیل آفریدی کو بانی پی ٹی آئی عمران خان سے مشاورت کے بغیر ہی صوبائی کابینہ بنانے کا مشورہ دے دیا۔ذرائع کے مطابق اسپیکر کے پی اسمبلی نے وزیراعلی سہیل آفریدی کو مشورہ دیتے ہوئے کہا کہ عمران خان سے ملاقات کے بعد کابینہ میں تبدیلی کی جا سکتی ہے لیکن فی الحال صوبائی کابینہ تشکیل دی جائے تاکہ صوبائی معاملات کو چلانے میں آسانی ہو۔ دوسری جانب وزیراعلی سہیل آفریدی کی زیر صدارت پی ٹی آئی کی پارلیمانی پارٹی کا اجلاس ہوا۔ رکن اسمبلی احتشام خان نے میڈیا کو بتایا کہ اجلاس میں آج (منگل )کو اسلام آباد جانے کا فیصلہ ہوا ہے۔ رکن اسمبلی احتشام خان کے مطابق ارکان اسمبلی اسلام باد ہائیکورٹ کے بعد اڈیالہ جیل بھی جائیں گے۔

کریڈٹ: انڈیپنڈنٹ نیوز پاکستان-آئی این پی