وفاقی وزیرداخلہ محسن نقوی کامونکی میں ایس پی عدیل اکبر کی رہائش گاہ پر پہنچے اور ایس پی عدیل اکبر کے والد، اہل خانہ سے ملاقات میں غمزدہ خاندان سے اظہار تعزیت کیا۔ تفصیل کے مطابق وفاقی وزیر داخلہ محسن نقوی نے کامونکی میں ایس پی عدیل اکبر کی رہائش گاہ پر ان کے اہل خانہ سے ملاقات کی ، انہوں نے غمزدہ خاندان سے اظہار تعزیت کیا۔ محسن نقوی نے ایس پی عدیل اکبر کے والد اور بھائی کو دلاسہ دیا اور ہمدردی کا اظہار کیا ، فاتحہ خوانی اور سوگوار خاندان کیلئے صبر جمیل کی دعا کی ۔ وزیر داخلہ محسن نقوی نے کہا کہ ایس پی عدیل اکبر اسلام آباد پولیس کا اثاثہ تھے، انتہائی قابل اور فرض شناس آفیسر تھے۔ ایس پی عدیل اکبر کی ناگہانی موت سے دلی صدمہ ہوا،دکھ کی گھڑی میں آپ کے ساتھ ہیں ، ہمیشہ ساتھ دیں گے ۔

کریڈٹ: انڈیپنڈنٹ نیوز پاکستان-آئی این پی