عوامی مسلم لیگ کے سربراہ و سابق وفاقی وزیر شیخ رشید کو اسلام آباد انٹرنیشنل ائیرپورٹ پر بیرون ملک جانے سے روک دیا گیا، امیگریشن ٹیم نے اسلام آباد ایئرپورٹ پر انہیں آف لوڈ کیا۔اس موقع پر شیخ رشید نے گفتگو کرتے ہوئے کہا کہ لاہور ہائیکورٹ کے جسٹس صداقت علی نے مجھے عمرے پر جانے کی اجازت دی تھی ،عدالتی احکامات کی کاپی بھی متعلقہ اداروں کو بھیجی گئی تھی۔سابق وزیر داخلہ نے کہا کہ عدالت نے واضح ہدایات دی تھیں کہ کوئی شکایت نہ ہو لیکن ائیرپورٹ پر پہنچا تو عمرے پر جانے سے روک دیا۔شیخ رشید کا کہنا تھا کہ توہین عدالت پر جسٹس صداقت علی خان کی عدالت میں جائوں گا، جس ملک میں ہائیکورٹ کا حکم نہ چلتا ہو وہاں آسمان کی طرف ہی دیکھنا ہے، اللہ عمرہ کروائے گا،اور ان کو اپنے فیصلے پر شرمندہ ہونا پڑے گا۔

کریڈٹ: انڈیپنڈنٹ نیوز پاکستان-آئی این پی