پاکستان تحریک انصاف کے رہنما اور سابق وفاقی وزیر فواد چوہدری نے کہا ہے کہ ن لیگ اپنی شکست تسلیم کر کے اقتدار سے علیحدہ ہو جائے۔ جمعہ کو سماجی را بطے کی ویب سائٹ ٹوئٹر پر اپنے جاری پیغام میں سابق وفاقی وزیر فواد چوہدری نے کہا کہ ن لیگ اپنی شکست تسلیم کر کے اقتدار سے علیحدہ ہو جائے اور سیاسی جماعتیں اگلے انتخابات کے فریم ورک پر مذاکرات شروع کریں۔ جاری کردہ ٹوئٹ میں چوہدری فواد حسین نے کہا کہ پاکستان مزید سیاسی عدم استحکام کا متحمل نہیں ہو سکتا ، ہمیں ذمہ داری کا احساس کرنا ہو گا۔ انہوں نے مزید کہا کہ زرداری سیاست کے دن گزر گئے ہیں، عوام اب غیر اخلاقی سیاست کو مسترد کرتی ہے۔

کریڈٹ:
انڈیپنڈنٹ نیوز پاکستان-آئی این پی