وفاقی دارالحکومت اسلام آباد سمیت ملک کے مختلف علاقوں میں5 شدت زلزلے کے جھٹکے محسوس کیے گئے، عوام میں خوف وہراس پھیل گیا،کلمہ طیبہ اور استغفار کا ودر کرتے ہوئے اپنے گھروں اور دفاتر سے باہر نکل آئے۔ جمعہ کو وفاقی دارالحکومت اسلام آباد سمیت ملک کے مختلف علاقوں میں زلزلے کے جھٹکے محسوس کیے گئے پنجاب اور کے پی کے مختلف شہروں میں زلزلے کے شدید جھٹکے محسوس کئے گئے ہیں جس کے باعث عوام میں خوف وہراس پھیل گیا اور وہ کلمہ طیبہ اور استغفار کا ودر کرتے ہوئے اپنے گھروں اور دفاتر سے باہر نکل آئے۔
اطلاعات کے مطابق اسلام آباد، سوات، بٹگرام، مانسہرہ، مری، ایبٹ آباد، مہمند، سوات،مردان، نوشہرہ، ہنگو، لوئر دیر،کوہاٹ، بونیر، مالاکنڈ، ،بشام اور شانگلہ میں زلزلے کے جھٹکے محسوس کئے گئے۔ اسی طرح پنجاب کے شہروں جھنگ، سرگودھا،جلالپور بھٹیاں، ٹوبہ ٹیک سنگھ ،چنیوٹ ، تاندلیانوالہ، مری، چکوال میں بھی زمین لرز اٹھی۔ شمالی وزیرستان سے بھی زلزلے کے شدید جھٹکوں کے اطلاعات موصول ہوئی ہیں۔زلزلہ پیما مرکز کے مطابق ریکٹر اسکیل پر زلزلے کی شدت 5 ریکارڈ کی گئی اور زلزلے کی گہرائی 218 کلومیٹر تھی۔ زلزلے کا مرکز افغانستان تاجکستان بارڈر ریجن تھا۔
کریڈٹ:
انڈیپنڈنٹ نیوز پاکستان