ماسکو (شِنہوا) روس نے اسرائیل اور حماس کے درمیان انسانی بنیادوں پر چار روزہ جنگ بندی معاہدے کا خیر مقدم کیا ہے۔

روسی وزارت خارجہ کی ترجمان ماریا زاخارووا نے بدھ کو کہا کہ ہم اسرائیل اور حماس کے درمیان انسانی بنیادوں پر چاردن کی جنگ بندی معاہدے کی کامیابی کا خیرمقدم کرتے ہیں۔ روس لڑائی میں اضافے کے آغاز سے ہی اس کا مطالبہ کر رہا تھا۔

انہوں نے کہا کہ ہم نے قطر کی خصوصی کوششوں کو دیکھا ہے جن کا مقصد کشیدگی میں کمی کے لیے بین الاقوامی برادری کے مطالبے کو عملی جامہ پہنانا ہے۔

زاخارووا نے کہا کہ یہ سب سے اہم فیصلہ ہے جو کیا گیا، اور جو اب بھی امید دلاتا ہے کہ کشیدگی میں کمی ممکن ہے ترجمان نے مزید کہا کہ یہ ضروری ہے کہ انسانی ہمدردی کی بنیاد پرہونے والی اس جنگ بندی میں خلل نہ پڑے۔