ماسکو(شِنہوا)یوکرین کی سرحد سے متصل روس کے بیلگوروڈ علاقے میں فضائی دفاعی نظام نے ڈرونز کو مار گرایا۔

علاقےکےگورنرویاچسلاو گلادکوف نے منگل کو ٹیلی گرام پوسٹ میں یہ ظاہر کیے بغیر کہ ڈرون یوکرین کی طرف سے لانچ کیے گئے تھے یا نہیں، کہا کہ ابتدائی اعدادوشمارکےمطابق حملوں میں کوئی شخص متاثر نہیں ہوا اور زمین پر ممکنہ نقصان کا جائزہ لیا جا رہا ہے۔

انہوں نے کہا کہ بیلگوروڈ ریجن کے ضلع گریوورن اورضلع بوریسوف  کو ڈرون حملوں کا سامنا کرنا پڑا جس سے کئی نجی رہائشی عمارتوں کو نقصان پہنچا۔

بیلگوروڈ کا علاقہ جو یوکرین کے خارکوف علاقے کے ساتھ واقع ہے جو حال ہی میں اشتعال انگیز کارروائیوں کا مرکز رہا ہے۔

روس کے مطابق یوکرین کی مسلح افواج کا ایک تخریب کاری اور جاسوسی گروپ پیر کو بیلگوروڈ کے علاقے میں داخل ہوا تاہم یوکرین کا کہنا ہے کہ اس علاقے میں آپریشن کے پیچھے دو روسی نیم فوجی گروپوں کا ہاتھ تھا۔