ہنوئی(شِنہوا) ویتنام کے شمالی علاقے میں 2 سے 6 اگست تک طویل موسلا دھار بارشوں کے نتیجے میں مٹی کے تودے گرنے اور سیلاب سے  کل آٹھ افراد ہلاک اور تین دیگر زخمی ہو گئے ہیں۔

ویتنام کی قدرتی آفات سے نمٹنے کی قومی سٹیئرنگ کمیٹی کے مطابق ہلاک ہونے والوں میں سے چار کا تعلق صوبے لائی چاؤ، دو کا ین بائی ، ایک تھائی نگوین  اور ایک کا تعلق سون لا صوبے سے ہے  جبکہ لائی چاؤ میں تین افراد زخمی ہوئے۔

کمیٹی کے مطابق آفات سے 24 مکانات تباہ اور 128 کو نقصان پہنچا جبکہ 30 ہیکٹر رقبے پر چاول اور دیگر فصلوں کو بھی نقصان پہنچا۔