بیجنگ (شِنہوا) وانگ ہوننگ نے کہا ہے کہ ہراعتبار سے جدید سوشلسٹ ملک بنانے میں اتفاق رائے پیدا کرنے اور متفقہ عمل کے لئے کمیونسٹ پارٹی آف چائنہ کی 20 ویں قومی کانگریس کے جذ بے کو استعمال کیا جائے گا۔

وانگ نے چین کے جنوب مغربی صوبہ گوئی ژو سے تعلق رکھنے والے ساتھی مندوبین کے ساتھ گروپ مباحثہ میں شرکت کی۔

اس دوران انہوں نے کہا کہ جنرل سیکرٹری شی جن پھنگ کی جانب سے کمیونسٹ پارٹی آف چائنہ کی20 ویں قومی کانگریس میں پیش کردہ رپورٹ میں مستقبل کے لئے جماعت اور ملک کے مقاصد کو فروغ دینے بارے اہداف ، کاموں اور اہم اقدامات کا خاکہ پیش کیا گیا ہے۔

انہوں نے کہا کہ یہ چینی خصوصیات کے ساتھ سوشلزم کا عظیم علَم بلند کرتے ہوئے آگے بڑھنے ، اس کی سمت کا تعین کرنے، وقت کے رجحانات اور مستقبل کے کھلے پن بارے ایک رپورٹ ہے۔

چین نے کمیونسٹ پارٹی آف چائنہ کی 18 ویں قومی کانگریس کے بعد تاریخی کامیابیاں سمیٹیں اور جماعت و ملک کے مقاصد میں تاریخی تبدیلیاں دیکھی ہیں۔

وانگ نے کہا کہ بنیادی طور پر ان کامیابیوں کا سہرا کمیونسٹ پارٹی آف چا ئنہ کی مرکزی کمیٹی کی مضبوط قیادت کے سر ہے جس کا محور کامریڈ شی جن پھنگ ہیں اور نئے دور کے لیے چینی خصوصیات کے ساتھ سوشلزم بارے شی جن پھنگ کے نظریات ہی صحیح رہنمائی ہیں۔