بیجنگ (شِنہوا) وانگ یانگ نے ہراعتبار سے ایک جدید سوشلسٹ ملک بنانے میں اتحاد اور قوت یکجا کرنے کی کوشش پر زور دیا ہے۔

وانگ نے کہا کہ کمیونسٹ پارٹی آف چائنہ کی 20 ویں قومی کانگریس میں کمیونسٹ پارٹی آف چائنہ کی مرکزی کمیٹی کے جنرل سیکرٹری شی جن پھنگ کی پیش کردہ رپورٹ ہر اعتبار سے ایک جدید سوشلسٹ ملک بنانے کا نیا باب شروع کرنے کا منشور اور لائحہ عمل ہے۔

وانگ نے یہ بات چین کے جنوب مغربی تبت خوداختیار خطے کے مندوبین کے ساتھ گروپ مباحثے میں کہی۔

انہوں نے کہا کہ یہ رپورٹ یقینی طور پر چینی قوم کے تمام بیٹوں اور بیٹیوں کو یکجا کرے گی تاکہ تمام محاذوں پر چینی قوم کی عظیم حیات نو کے لئے متحد ہوکر جدوجہد کی جاسکے۔

وانگ نے کمیونسٹ پارٹی آف چائنہ کی مرکزی کمیٹی اور مجموعی طور پر جماعت میں شی جن پھنگ کی مرکزی حیثیت کو زیادہ فعال طریقے سے برقرار رکھنے اور کمیونسٹ پارٹی آف چائنہ کی مرکزی کمیٹی کے اختیارات اور اس کی متحد مرکزی قیادت کو برقرار رکھنے کا بھی کہا۔

وانگ نے نئے دور میں چینی خصوصیات کے ساتھ سوشلزم بارے شی جن پھنگ کے نظریات پر تشکیل شدہ راستے پر مضبوطی سے آگے بڑھنے پر زور دیا۔