دبئی (شِنہوا) کوپ28  میں چین کے پویلین کا باضابطہ افتتاح جمعرات کی صبح دبئی کے ایکسپو سٹی میں کیا گیا۔

پویلین اقوام متحدہ کے ماحولیاتی تبدیلی کے فریم ورک کنونشن کی  فریقین کی کانفرنس (کوپ28) کے جمعرات کو شروع ہونے والے 28 ویں سیشن میں نو دنوں کے دوران دو خصوصی سیشنز کے علاوہ ضمنی تقریبات اور سرگرمیوں کا انعقاد کرے گا۔

ان تقریبات میں متعلقہ سرکاری محکمے، تحقیقی ادارے، صنعتی انجمنیں، کاروباری ادارے اور این جی اوز شامل ہیں، جن میں چین کی موسمیاتی ردعمل کی پالیسیوں اوراقدامات، عالمی موسمیاتی تعاون، ماحول دوست اور کم کاربن ترقی، انرجی ٹرانسفارمیشن ، ڈیجیٹل ترقی اور گرین فنانس کے موضوعات شامل ہوں گے۔