پیرس(شِنہوا) فرانس کے صدر ایمانیول میکرون نے کہا ہے کہ ایک تربیتی مشن کے دوران  رافیل لڑاکا طیاروں کے تصادم میں دو پائلٹ ہلاک ہو گئے۔

سماجی رابطے کی ویب سائیٹ ایکس پر جاری بیان میں انہوں نے کہا ک رافیل کے تر بیتی مشن کے دوران فضائی  حادثے میں ہمیں ہلاکتو ں کا سن کر بہت افسوس ہوا۔ 

 فرانس کی فضائیہ نے ایکس پر اپنے بیان میں کہا ہے کہ جرمنی سے ایندھن بھروانے کے مشن سے واپسی پر شمالی فرانس میں دو رافیل لڑاکا طیارے مقامی وقت کے مطابق دن 12 بجکر 30 منٹ پر فضا میں آپس میں ٹکرا کر زمین پر گر گئے۔

دو پائلٹ ایک طیارے میں جبکہ ایک پائلٹ دوسرے طیارے میں موجود تھا۔ فرانسیسی حکام نے کہا ہے کہ طیارے میں موجود اکیلا پائلٹ حادثے میں محفوظ رہا۔