شی آن (شِنہوا) چین کے شمال مغربی صوبے شانشی کے دارالحکومت شی آن میں تانگ عہد(618-907) کے تین مقبرے دریافت ہوئے ہیں۔

شانشی کے صوبائی انسٹی ٹیوٹ آف آرکیالوجی کے مطابق، تینوں مقبروں کو شی آن کے ضلع چھانگ آن میں دریافت کیا گیا۔ مقبروں میں سے ایک میں، 76.7 سینٹی میٹر لمبے، 77.1 سینٹی میٹر چوڑے اور 14.5 سینٹی میٹر اونچے پتھر پر 1ہزار769 الفاظ پر مشتمل ایک  محفوظ  تحریر موجود ہے۔ جسے تانگ عہد کے ایک مشہور ادیب اور خطاط لیو گونگ چھوآن نے تحریر کیا تھا۔

مقبرے  کی ہموار جگہ جہاں سے یہ پتھر دریافت ہوا وہ چاقو کے ہینڈل کی شکل میں ہے جسے  جنوب-شمال کے رخ  میں رکھا گیا تھا ۔ ٹاور کی شکل کے ایک برتن کا ڈھکن، مٹی کے انسانی جسم کے دو بالائی حصے اور مٹی سے بنا ایک کتا بھی دریافت ہوا ہے۔