مکاؤ (شِنہوا) چین کی پیپلز لبریشن آرمی (پی ایل اے) کے مکاؤ گیریژن نے 1999 میں مکاؤ میں تعیناتی کے بعد سے جمعرات کی صبح اپنی 24ویں روٹیشن مکمل کرلی۔ یہ چین کے قانون کے مطابق مکاؤ خصوصی انتظامی خطے(ایس اے آر) اور مرکزی فوجی کمیشن کے احکامات کے مطابق ایک معمول کی سالانہ روٹیشن ہے۔ گیریژن نے کہا کہ اس کے نئے ممبران کو تربیت دی گئی ہے اور مکاؤ کی عمومی صورتحال اور متعلقہ قوانین کے بارے میں جاننےکے لیے مطالعہ کیا گیا ہے، جو دفاعی فرائض کو پورا کرنے کے قابل ہیں۔

اس میں یہ بھی کہا گیا کہ جن ارکان کوروٹیٹ کیا گیا ، انہوں نے مکاؤکی سیکورٹی کے مختلف امورکو کامیابی کے ساتھ مکمل کیا اور قومی خودمختاری، سلامتی اور ترقی کے مفادات کے ساتھ ساتھ مکاؤ کی خوشحالی اور استحکام کے ساتھ ساتھ پی ایل اے کی بہترین ساکھ کا بھی مظاہرہ کیا۔