چھونگ چھنگ(شِنہوا) چین میں ہائیڈروجن فیول سیل گاڑیوں کی صنعت کو فروغ دینے  کے لیے کام کرنے والےنیشنل ہائیڈروجن پاور کوالٹی انسپکشن اینڈ ٹیسٹنگ سنٹر نے چھونگ چھنگ میونسپلٹی میں کام شروع کردیاہے۔ 50کروڑ یوآن (7کروڑ 39 لاکھ ڈالر) کی کل سرمایہ کاری کے ساتھ، یہ مرکز 190 مو(تقریباً 12.67 ہیکٹر) رقبے پر محیط ہے جس میں ہائیڈروجن سے چلنے والی گاڑیوں، ہائیڈروجن فیول سیلز اور پاور اسمبلی کی لیبز قائم کی گئی ہیں۔ یہ پوری صنعتی چینز بشمول ہائیڈروجن فیول سیل گاڑیوں، اہم آٹو پارٹس اور ہائیڈروجن کوالٹی کے لیے  جانچ پڑتال کی خدمات فراہم کر سکتا ہے۔ ملک میں اپنی نوعیت کا یہ پہلا مرکز ، چائنہ آٹوموٹیو انجینئرنگ ریسرچ انسٹی ٹیوٹ کمپنی نے قائم کیا تھا۔