بیجنگ (شِنہوا) چین کاربن کے اخراج کا حساب لگانے کیلئے ایک یکجا اور معیاری قومی نظام بنانے کی رفتار میں تیزی لائے گا۔

چین کے وزارت حیاتیات و ماحولیات کے ایک اہلکار لی گاؤ نے جمعرات کے روز ایک پریس کانفرنس میں بتایا کہ وزارت اور متعلقہ محکمے حساب کتاب میں شعبوں، کمپنیوں اور اہم مصنوعات پر توجہ مرکوز کرتے ہوئے گرین ہاؤس گیسوں کی فہرست بھی تیار کریں گے۔

لی گاؤ نے کہا کہ چین کے سبز انقلاب کے تحت گزشتہ سال جولائی میں شروع کی جانیوالی نیشنل کاربن ٹریڈنگ مارکیٹ ایک منظم انداز میں کام کر رہی ہے اور اس میں قائم کردہ انفراسٹرکچر اورقواعد و ضوابط توقعات پر پورا اترے ہیں۔

اہلکار نے بتایا کہ 21اکتوبر تک مارکیٹ میں لین دین کا مجموعی حجم 8 ارب 58 کروڑ یوآن(تقریباً 1 ارب 20کروڑ امریکی ڈالر) تک پہنچ گیا ہے۔

لی نےمزید کہا کہ وزارت ڈیٹا کوالٹی مینجمنٹ کو تیز کرے گی، مارکیٹ کے افعال کو مضبوط بنائے گی اور مارکیٹ کی ترقی میں مدد کیلئے ملک میں کاربن کے مصدقہ اخراج میں کمی کے طریقہ کار کو بہتر بنائے گی۔