بیجنگ (شِنہوا) چینی مین لینڈ میں رواں سال کے ابتدائی 8 ماہ کے دوران حقیقی زیر استعمال براہ راست غیرملکی سرمایہ کاری گزشتہ برس کی نسبت 16.4 فیصد اضافے کے ساتھ 892.74 ارب یوآن تک پہنچ گئی۔

وزارت تجارت نے پیر کے روز بتایا کہ ڈالرز کے استعمال کی بنیاد پر گزشتہ برس کی نسبت 20.2 فیصد اضافہ ہوا، اور یہ 138.41 ارب امریکی ڈالرز تک پہنچ گئی۔

وزارت کے اعداد و شمار کے مطابق خدمات کی صنعت میں براہ راست غیرملکی سرمایہ کاری کی آمد گزشتہ برس کے مقابلے میں 8.7 فیصد بڑھ کر 662.13 ارب یوآن رہی۔ جبکہ اعلیٰ ٹیکنالوجی صعنتوں میں ایک برس قبل کی نسبت 33.6 فیصد اضافہ ہوا۔

خاص طور پر اعلیٰ ٹیکنالوجی اشیاء سازی میں براہ راست غیرملکی سرمایہ کاری ایک برس قبل کے اسی عرصے کی نسبت 43.1 فیصد بڑھی جبکہ اعلیٰ ٹیکنالوجی خدمات شعبہ میں اضافے کی شرح گرشتہ برس کی نسبت 31 فیصد رہی۔

اس مدت میں جنوبی کوریا، جرمنی، جاپان اور برطانیہ سے سرمایہ کاری میں بالترتیب 58.9 فیصد، 30.3 فیصد، 26.8 فیصد اور 17.2 فیصد اضافہ ہوا۔

ملک کے مغربی علاقوں میں آنے والی براہ راست غیرملکی سرمایہ کاری میں گزشتہ برس کی نسبت 43 فیصد اضافہ ہوا جبکہ وسطی علاقوں میں 27.6 فیصد اور مشرقی علاقوں میں 14.3 فیصد اضافہ ہوا۔