نیویارک(شِنہوا) بل اینڈ میلنڈا گیٹس فاؤنڈیشن نے صحت اور ترقی کے شعبوں میں عالمی اہداف کو پورا کرنے کیلئے 1 ارب 27 کروڑ امریکی ڈالر فراہم کرنے کا اعلان کیا ہے۔

فاؤنڈیشن کی جانب سے جاری ایک ریلیز میں کہا گیا ہے کہ بل اینڈ میلنڈا گیٹس فاؤنڈیشن نے خاص طور پر 2030ء تک ایچ آئی وی، تپ دق اور ملیریا کے خاتمے میں مدد کیلئے 91 کروڑ 20 لاکھ امریکی ڈالر فراہم کرنے اور مستقبل کے وبائی امراض سے حفاظت کیلئے درکار مستحکم نظام صحت کی تعمیر کرنے کا وعدہ کیا ہے۔

ریلیز میں مزید کہا گیا ہے کہ یہ فنڈنگ خواتین اور لڑکیوں پر ان بیماریوں کے غیر متناسب اثرات کو کم کرنے میں بھی مددگار ثابت ہوگی۔

فاؤنڈیشن کے سی ای اومارک سوزمین نے کہا کہ ہم اقوام متحدہ کے پائیدار ترقی کے اہداف (ایس ڈی جیز) کےراستے پر دوبارہ گامزن ہو سکتے ہیں لیکن اس کیلئے ایک نئی سطح پر ہر شعبے کا تعاون اور سرمایہ کاری درکار ہو گی۔ انہوں نے یہ بھی کہا کہ فاؤنڈیشن بحرانوں کا مقابلہ کرنے اور صحت اور ترقی کے اہم عوامل پر طویل المدتی اثرات کو یقینی بنانے کیلئے اپنے عزم میں نمایاں اضافہ کر رہی ہے۔