بیجنگ(شِنہوا) چین کے دارالحکومت بیجنگ میں  وائرس سے بچاؤ کے اقدامات کو بہتر بنانے اور بند رہائشی کمپاؤنڈز میں عمارتوں کے رکاوٹی گیٹ لگانے پرپابندی لگانے کا وعدہ کیا گیاہے۔ بیجنگ میونسپل  کے بیماریوں کی روک تھام اور کنٹرول سنٹر کے نائب سربراہ لیو شیاؤفینگ نے ایک پریس کانفرنس میں بتایا کہ کوویڈ-19 کے نئے کیسز میں مسلسل اضافے کی وجہ سے نئے حالات کے مطابق  شہرمیں وباپر قابوپانے کے اقدامات کو بہتر بنانا ہوگا۔ کمیونٹی سطح پر وبا کے کنٹرول اور روک تھام کے انچارج میونسپل اہلکار وانگ ڈگوآنگ نے کہا کہ خاص طور پر، ہائی رسک والے علاقوں میں عمارتی گیٹ اور رہائشی کمپلیکس میں داخلے کو روکنا سختی سے ممنوع ہوگا۔  طبی نقل و حمل، ہنگامی صورت حال سے نکلنے اور بچاؤ کے لیے راستے کھلے رہیں گے۔

انہوں نے کہا کہ اگر رہائشی علاقے شرائط کو پورا کرتے ہیں تو ان پر عائد بندش کو بروقت ختم کردیا جائے گا۔