بوآؤ(شِنہوا)اٹلی میں قائم کنسلٹنسی یورپی ہاؤس امبروسیٹی کے بورڈ  رکن پاؤلو بورزاٹا نے  جاری بوآؤ فورم فار ایشیا (بی ایف اے) کی سالانہ کانفرنس کے ذیلی فورم میں کہا کہ بیلٹ اینڈ روڈ انیشی ایٹو (بی آر آئی) ایک ایسا منصوبہ ہے جس سے منسلک  تمام ممالک  اور  متعدد کاروباری ادارے مستفید ہوں گے۔

انہوں نے کہا کہ بی آر آئی نہ صرف چین کا ایک انیشی ایٹو یا چینی حکومت کا منصوبہ ہے بلکہ یہ اس کے راستے پر موجود تمام ممالک کا ایک منصوبہ بھی ہے۔

2019 میں اٹلی اور چین نے بی آر آئی کے فریم ورک کے تحت دوطرفہ تعاون پر مفاہمت کی یادداشت (ایم او یو) پر دستخط کیے ، جس سے اٹلی چین کے ساتھ اس طرح کے ایم او یو پر دستخط کرنے والا جی 7 کا پہلا ملک بن گیا۔

بورزاٹا نے کہا ان کا ماننا ہے کہ بی آر آئی دنیا کے مستقبل کی نمائندگی کرتا ہے۔ بنیادی ڈھانچے کے رابطے کے علاوہ ، یہ اس لئے بھی اہم ہے کیونکہ اس نے ایک مشترکہ معاہدہ قائم کیا ہے۔ یہ خاص طور پر ڈیجیٹل تعاون کے شعبے کے بارے میں ہے جو ہموار مواصلات کو ممکن بناتا ہے اور غلط فہمیوں سے بچنے میں مدد کرسکتا ہے۔