لاس اینجلس(شِنہوا) اسپیس ایکس کا کارگو خلائی جہازڈریگن بین الاقوامی خلائی اسٹیشن( آئی ایس ایس) سے واپس زمین کی جانب روانہ ہوگیا۔

امریکہ کے خلائی ادارے، ناسا کے مطابق خلائی جہاز پاکستانی وقت کے مطابق اتوار کی شب 10بج کر 10 منٹ پرخلائی اسٹیشن کے ہارمنی ماڈیول سے الگ ہوا۔

امریکی خلائی ادارے  کے مطابق  زمین کی فضا میں داخل ہونے کے بعد، خلائی جہاز فلوریڈا کے ساحل پر پیراشوٹ کی مدد سے منگل کی صبح 9بج کر38 منٹ(پاکستانی وقت) پراتر جائے گا۔

ڈریگن نے ناسا کے لیے اپنے 30ویں کمرشل ری سپلائی سروسزمشن کے تحت آئی ایس ایس پر تقریباً6ہزار پونڈ وزنی تحقیقی سامان،عملے کا سامان اور اسٹیشن ہارڈویئرپہنچایا تھا۔