میڈرڈ (شِنہوا) اسپین میں 2023 کے دوران 56 ہزار 852 غیرقانونی تارکین وطن کا اندراج ہوا جو ایک برس قبل کے مقابلے میں 82.1 فیصد زائد ہے۔

اسپین کی وزارت داخلہ کے جاری کردہ اعداد و شمار کے مطابق تارکین وطن کی اکثریت نے افریقہ کے شمال مغربی ساحل سے کینری جزائر تک 100 کلومیٹر سے زیادہ کا خطرناک راستہ عبور کیا۔

مجموعی طور پر 39 ہزار 910 تارکین وطن جزائر کینری پہنچے جو 2022 کے مقابلے میں 154.5 فیصد زائد ہیں۔

اس کے علاوہ 15 ہزار 435 تارکین وطن شمالی افریقہ سے بحیرہ روم عبور کرکے مین لینڈ اسپین اور بیلاریک جزائر پہنچے یہ تعداد 2022 کے مقابلے میں 19 فیصد زائد ہے جبکہ باقی تارکین وطن اسپین کے 2 شمالی افریقی علاقوں سیوٹا اور میلیلا پہنچے۔

سال 2023 میں اتنی بڑی تعداد میں غیرقانونی تارکین وطن کی آمد کے باوجود یہ تعداد 2018 کی نسبت کم ہے۔ 2018 میں تقریباً 64 ہزار 300 غیرقانونی تارکین وطن آئے تھے۔ حالانکہ اس وقت زیادہ تر زیادہ تر افراد کا رخ اسپین کے جنوبی ساحل پر واقع اندلس کی جانب  تھا۔

اسپین کی حکومت نے نکاراگوا اور وینزویلا کے 281 تارکین وطن کے ایک گروپ کو قیام کی اجازت دیدی ہے جو اس سے قبل امریکہ کا سفر کرچکے تھے۔

یہ فیصلہ وائٹ ہاؤس کے ساتھ امریکہ کی جنوبی سرحد سے تارکین وطن کا دباؤ کم کرنے کے معاہدے کے بعد ہوا ہے۔