نیو یارک(شِنہوا)امریکی ریاست جارجیا کے دارالحکومت اٹلانٹا میں  فائرنگ کے نتیجے میں تین نوجوان ہلاک اور ایک زخمی ہو گیا۔

اٹلانٹاکے محکمہ پولیس نے ایک بیان میں کہا کہ 20 سال کی عمروں کے تین  نوجوانوں کو  جائے وقوعہ پر مردہ پایا گیا  جبکہ چوتھے کو ہسپتال منتقل کر دیا گیا۔

میڈیا رپورٹس میں مقامی پولیس کے حوالے سے بتایا گیا ہے کہ یہ واقعہ منشیات کے کاروبار سے منسلک تھا۔

ہلاک شدگان کی شناخت نہیں ہوسکی اور نہ ہی تاحال حملہ آور کے بارے میں کوئی اطلاع موصول ہوئی ہے۔