لاس اینجلس(شِنہوا) امریکہ میں رواں موسم میں فلو کی وجہ سے اب تک کم سے کم 18 ہزار اموات واقع ہوئی ہیں۔امراض کی روک تھام کے امریکی مراکز(سی ڈی سی )کے جاری کردہ تازہ ترین اعداد و شمار کے مطابق ملک میں اس موسم میں فلو سے کم از کم 2کروڑ50لاکھ افراد بیمار اور 2لاکھ 80 ہزار ہسپتال میں داخل ہوئے۔سی ڈی سی کے مطابق 4 فروری کو ختم ہونے والے ہفتے میں انفلوئنزا میں مبتلا نو بچوں کی اموات ہوئیں جبکہ اس موسم میں اب تک مجموعی طور پر فلوسے 106 بچوں کی اموات ہو چکی ہیں۔اس ہفتے کے دوران 2ہزار100 سے زائد افراد فلو کے باعث ہسپتال میں داخل ہوئے۔سی ڈی سی تجویز کرتا ہے کہ فلو کا مرض جاری رہنے تک 6 ماہ یا اس سے زیادہ عمر کے ہر فرد کو سالانہ فلو ویکسین لگوانی چاہیئے۔