سان فرانسسکو (شِنہوا) امریکی ریاست الاباما کے شہر فورٹ نووسل میں ایک ہیلی کاپٹر گر کر تباہ ہونے سے ایک شخص ہلاک ہو گیا۔

فورٹ نووسل حکام کے مطابق اے ایچ 64 اپاچی ہیلی کاپٹر دوپہر 1 بجکر 40 منٹ (پاکستانی وقت رات 11 بج کر 40 منٹ ) پر گرکر تباہ ہوا۔ اس میں عملے کے دو ارکان سوار تھے اور یہ معمول کی تربیتی پرواز پر تھا۔

حکام کا کہنا ہے کہ مرد انسٹرکٹر موقع پر ہی ہلاک ہو گیا جبکہ امریکی فوج کے ایک زیرتربیت پائلٹ کو معمولی چوٹیں آئیں جسے طبی امداد کے لئے ایک اورہیلی کاپٹرکے ذریعے ہسپتال منتقل کردیا گیا۔

فورٹ نووسل کے جاری کردہ اعلامیہ کے مطابق اس مقام پر پرواز کی تربیت جاری ہے جبکہ حادثے کی تحقیقات  شروع کر دی گئی ہیں۔