کینبرا (شِنہوا) آسٹریلیا کے نیشنل سائنس ایجنسی کے سائنس دانوں نے بیماریوں کے خلاف مزاحمت کرنے والی فصلوں کی افزائش نسل میں بڑی پیشرفت حاصل کرلی ہے۔
کامن ویلتھ سائنٹیفک اینڈ انڈسٹریل ریسرچ آرگنائزیشن (سی ایس آئی آر او) کی شائع شدہ ایک تحقیق میں سائنسدانوں نے انکشاف کیا ہے کہ انہوں نے جدید اسکریننگ ٹیکنالوجی تیار کی ہے جو پودوں میں مدافعتی ردعمل کو غیرمعمولی رفتار سے ختم کرنے والی جینز کا پتہ لگاسکتی ہے۔
سی ایس آئی آر او کی جانب سے اس منصوبے کے شریک سربراہ پیٹر ڈوڈز نے کہا کہ اس پیشرفت سے مستقبل میں جراثیم کے خلاف مزاحمت کرنے والی فصلوں کے فروغ پر اچھے اثرات مرتب ہوں گے۔
سی ایس آئی آر او کے مطابق پودوں کے جرثومے ، پودوں میں بیماریوں کا سبب بنتے ہیں جس سے پیداوار کم ہوجاتی ہے۔ زنگ کے جرثومے پودوں کی نشوونما روک کر پتوں اور شاخوں کو نقصان پہنچاتے ہیں جس سے عالمی سطح پر فصلوں کو سالانہ ایک ارب امریکی ڈالر کا نقصان ہوتا ہے۔
سی ایس آئی آر او کی نئی ٹیکنالوجی پودوں میں بڑے پیمانے پر انفیکشن روکنے میں معاونت کرسکتی ہے۔
مؤثر جینز ایسے پروٹین کو انکوڈ کرتے ہیں جس میں جرثومے مدافعتی ردعمل میں رکاوٹ بن رہے ہوتے ہیں تاہم اگر کوئی پودا انہیں پہچان لے تو وہ دفاعی مدافعتی ںظام کو فعال کردیتا ہے۔
ڈوڈز نے کہا کہ اس ٹیکنالوجی نے آسٹریلیا اور بیرون ملک فصلوں کے تحفظ کے لیے نئی جینیاتی حکمت عملی کو مؤثر بنا دیا ہے۔
