بیجنگ (شِنہوا) چین کے صدر شی جن پھنگ نے الجزائر میں منعقدہ عرب لیگ کے 31 ویں سربراہ اجلاس کے موقع پر الجزائر کے صدرعبدالمجید تبون کو مبارکباد کا پیغام بھیجا ہے۔ وہ عرب لیگ کونسل کے نئے صدر ہیں۔

انہوں نے کہا کہ عرب لیگ عرب ممالک میں اتحاد سے طاقت کے حصول میں پرعزم ہے اور مشرق وسطیٰ میں امن و استحکام کو فروغ دے رہی ہے ۔ وہ کثیرالجہتی اور ترقی پذیر ممالک کے مشترکہ مفادات کے تحفظ بارے مسلسل کوشاں بھی ہے۔

چینی صدر نے عرب ممالک میں یکجہتی کو مستحکم کرنے میں الجزائر کے طویل مدتی عزم، ترقی پذیر ممالک کے جائز حقوق اور مفادات کے تحفظ میں اس کے فعال کردار، چین اور عرب ممالک کے درمیان اجتماعی تعاون پر زور دینے کی تعریف کی۔