بیجنگ (شِنہوا) مردوں اور خواتین کا سنگلز ورلڈ کپ اپریل 2024 میں چین کے مکاؤ میں ہوگا ۔

بین الاقوامی ٹیبل ٹینس فیڈریشن (آئی ٹی ٹی ایف) نے اس بات کا اعلان چین کے جنوب مغربی صوبے سیچھوان کے شہر چھنگ دو میں افتتاحی مکسڈ ٹیم ورلڈ کپ کے اختتام پر کیا۔

ورلڈ کپ کا انعقاد مکاؤ کے گلیکسی ایرینا میں کیا جائے گا جو سب سے بڑے انڈورمقام ہے۔

ایک اخباری اعلامیہ میں آئی ٹی ٹی ایف نے کہا کہ ورلڈ کپ کی بحالی کا فیصلہ ایک اسٹریٹجک اقدام ہے جو آئی ٹی ٹی ایف کے کھیل کے بھرپورورثہ کی بحالی اور اسے محفوظ کرنے کا عزم ظاہر کرتا ہے۔

آئی ٹی ٹی ایف نے کہا کہ 2026 میں عالمی گورننگ باڈی ایک صدی مکمل کرلے گی ۔ یہ اقدام اس کے مشن کے ساتھ ہم آہنگ ہے تاکہ اس کی تقریبات میں نئی روح پھونکی جاسکے۔

پہلا آئی ٹی ٹی ایف ورلڈ کپ چین کے ہانگ کانگ میں 1980 میں ہوا تھا۔  جبکہ تازہ ترین ایڈیشن کا انعقاد مشرقی صوبے شان ڈونگ کے شہر وائی ہائی میں 2020 میں ہوا۔