قاہرہ (شِنہوا) مصر موسم سرما کے دوران اپنے بہتر ین سیاحتی سیزن میں داخل ہوچکا ہے ،تین برس قبل نوول کرونا وائرس وبا پھوٹنے کے بعد پہلا چینی سیاحتی گروپ جمعہ کو مصر پہنچ رہا ہے۔

لکسور، مصر کا جنوبی شہر ہے جو ایک قدیم یادگار سے مالا مال ، مندروں اور مقبروں کے لئے مشہور ہے۔ یہاں کی شہنشاہوں  اور ملکاؤں کی وادیاں ہمیشہ سے چینی سیاحوں کے لئے دلچسپی کا باعث رہی ہیں۔

مصر کی سینٹرل ایجنسی فار پبلک موبلائزیشن اینڈ سٹیٹسٹکس (سی اے پی ایم اے ایس) کے مطابق 2022 کے ابتدائی 6 ماہ میں تقریباً 49 لاکھ سیاحوں نے مصر کا دورہ کیا تھا جو 2021 کے اسی عرصے میں آنے والے 26 لاکھ سیاحوں کی نسبت 85.4 فیصد زائد ہے۔

وبا سے قبل چین مصر میں سیاحوں کا چوتھا سب سے بڑا ذریعہ ہوتا تھا ۔

مصر، لیکسور میں ملکاؤں کی وادی میں نفراتری کے  مقبرے  کے اندر پینٹنگ کو دیکھا جاسکتا ہے۔ (شِنہوا)

مصر، لیکسور میں شہنشاہوں کی وادی میں سیاح شاہ سیٹی اول کے مقبرے  کا دورہ کررہے ہیں۔ (شِنہوا)

مصر، لیکسور میں ملکاؤں کی وادی میں نفراتری کے مزار میں پینٹنگ کو دیکھا جاسکتا ہے۔ (شِنہوا)

مصر، قاہرہ کے قاہرہ بین الاقوامی ہوائی اڈے پر ایک مصری فنکار روایتی رقص کے ذریعے چینی سیاحوں کا خیر مقدم کر رہا ہے۔ (شِنہوا)