چین کے خود مختار علاقے سنکیانگ میں منعقد ہونے والی 2023 چین یوریشیا کموڈٹی اینڈ ٹریڈ ایکسپو میں دنیا بھر سے مصنوعات نے دھوم مچا دی ، جس نے صارفین کی ایک بڑی تعداد کو اپنی طرف متوجہ کیا۔ چائنہ اکنامک نیٹ کے مطابق ان اجناس میں اپنے منفرد ذائقے کی وجہ سے پاکستانی آموں نے سب کو پیچھے چھوڑ دیا گیا۔ ملتان، پنجاب سے آم کی پاکستانی اقسام جیسے سندھی، چونسہ، انور رٹول وغیرہ نے سائٹ پر آنے والوں کی توجہ حاصل کی۔ چائنہ اکنامک نیٹ کے مطابق معلوم ہوا کہ اس سال 30 ٹن آموں کے ساتھ 12 سپلائرز نے سنکیانگ اور اس سے بھی بڑے علاقے میں جگہ بنانے کے لئے ایکسپو میں شرکت کی۔ اس کے علاوہ صارفین ان پاکستانی آموں کو آن لائن خرید سکتے ہیں اور انہیں براہ راست اپنے گھروں تک پہنچا سکتے ہیں۔ اس وقت چین کے معروف ای چینل پر پاکستان کے آن لائن نیشنل پویلین میں پاکستانی آموں کی نمائش کی جارہی ہے۔ چائنہ اکنامک نیٹ کے مطابق کامرس پلیٹ فارم JD.com (جنگ ڈونگ)ہے ، اور صارفین آن لائن آرڈر دے سکتے ہیں۔ چائنہ اکنامک نیٹ کے مطابق 17 سے 21 اگست تک منعقد ہونے والی اس پانچ روزہ کانفرنس کا آغاز چین کے خود مختار علاقے سنکیانگ اویغور کے دارالحکومت ارومچی میں ہوا جس میں تجارت کے فروغ پر توجہ مرکوز کی گئی۔ یہ بات قابل ذکر ہے کہ ایکسپو کی سائیڈ نمائش کے طور پر پاکستان مینگو فیسٹیول 17 سے 21 اگست تک منعقد ہوا۔ چائنہ اکنامک نیٹ کے مطابق سلک روڈ اسپرٹ کو فروغ دینا، یوریشین تعاون کو مضبوط بنانا" کے عنوان سے اس سال کی نمائش 70،000 مربع میٹر کے نمائشی علاقے کا احاطہ کرتی ہے اور 40 ممالک اور خطوں سے 1،300 سے زیادہ کاروباری اداروں کو اپنی طرف متوجہ کرتی ہے، جس میں دنیا کی ٹاپ 500 کمپنیوں میں سے 25 بھی شامل ہیں۔

کریڈٹ: انڈیپنڈنٹ نیوز پاکستان-آئی این پی