پنجاب کے بیشتر اضلاع میں آئندہ24گھنٹوں کے دوران مون سون بارشوں کا امکان ظاہر کیا گیا ہے۔ترجمان پی ڈی ایم اے پنجاب کے مطابق صوبے کمے بیشتر اضلاع میں مون سون بارشوں کا امکان ہے۔یہ مون سون بارشوں کا چوتھا سلسلہ زیادہ طاقتور ہے یہ سلسلہ 25 جولائی تک جاری رہے گا۔ترجمان کاکہنا ہے کہ راولپنڈی، مری، گلیات، اٹک، چکوال، منڈی بہاالدین، حافظ آباد، گجرات، جہلم اور گوجرانوالہ میں بارشیں متوقع ہیں۔ ترجمان کے مطابق لاہور ، فیصل آباد، سیالکوٹ، نارووال، ٹوبہ ٹیک سنگھ، جھنگ، سرگودھا، میانوالی، ڈیرہ غازی خان، بہاولپور، بہاولنگر اور ملتان میں بھی بارشوں کا امکان ہے۔ڈی جی پی ڈی ایم اے عرفان علی نے بتایا کہ دریائوں کے بالائی علاقوں میں بارشوں کے باعث پانی کے بہا ئومیں اضافے کا خدشہ ہے، دریائوں ندی نالوں میں طغیانی کا الرٹ جاری کردیا گیا ہے جب کہ دریائے راوی، جہلم، ستلج اور چناب کے بہائو میں اضافے کا خدشہ ہے۔ڈی جی کے مطابق دریائے سندھ میں تونسہ کے مقام پر درمیانے درجے کا سیلاب ہے، دریائے سندھ میں تربیلا، کالا باغ اور چشمہ کے مقام پر نچلے درجے کا سیلاب ہے۔

کریڈٹ: انڈیپنڈنٹ نیوز پاکستان-آئی این پی