پنجاب میں فضائی آلودگی کا سبب بننے والوں کے خلاف گھیرا تنگ کرتے ہوئے ڈرون سرویلنس کا آغاز کر دیا گیا۔ڈی جی ماحولیات پنجاب عمران حامد شیخ نے پاکستان کی پہلی ایریئل سرویلنس کمپنی قائم کر دی، ہاک آئی پروجیکٹ کے تحت ادارہ ماحولیات اب ڈرونز سرویلنس کرے گا۔تھرمل ایمیجنگ ٹیکنالوجی سے لیس ڈرونز نے فیلڈ میں کام شروع کر دیا، جی آئی ایس ونگ ان ڈرونز کو آپریٹ کرے گا اور ریئل ٹائم امیجنگ سے مانیٹرنگ کی جائے گی، یاد رہے کہ ڈی جی ماحولیات عمران حامد شیخ نے چند ماہ قبل ہاک آئی پروجیکٹ کی بنیاد رکھی تھی۔ڈی جی ماحولیات پنجاب عمران حامد شیخ کا کہنا تھا کہ جدید ٹیکنالوجی سے لیس ڈرونز کے ساتھ فیلڈ میں کام شروع کر دیا گیا ہے، ایریئل سرویلنس کمپنی ماحول دشمن انڈسٹری اور دیگر عناصر کی رپورٹ تیار کرے گی، فیلڈ سٹاف کے کام کو بھی کراس چیک کیا جائے گا، تمام انڈسٹری اور بھٹوں کی ای میپنگ شروع کی جا چکی ہے۔عمران حامد شیخ نے مزید کہا کہ اپنے پہلے سٹنگ آپریشن میں جی آئی ایس سٹاف نے محمود بوٹی کے علاقے میں 3 پائرولیسس پلانٹس کو چلتا پایا، غیر قانونی پائرولیسس پلانٹس چلنے پر لاہور فیلڈ آفس سے اس کی وضاحت طلب کی جائے گی، جی آئی ایس ٹیم نے چار انڈسٹریز اور ایک خالی پلاٹ میں سینکڑوں کاربن کی بوریوں کو بھی رپورٹ کیا۔

کریڈٹ: انڈیپنڈنٹ نیوز پاکستان-آئی این پی