نیو گوادر انٹرنیشنل ایئرپورٹ (این جی آئی اے)کی ٹیسٹنگ اور کمیشننگ مکمل کر لی گئی ،ٹیسٹنگ اور کمیشننگ انجینئرنگ تکنیک اور طریقہ کار کا ایک سلسلہ ہے، ٹیسٹنگ اور کمیشننگ میں ایئرپورٹ کے پورے بنیادی ڈھانچے کو شامل کیا گیا ۔ گوادر پرو کے مطابق یہ مرحلہ تفصیلی تین ماہ کے عمل کے اختتام کی علامت ہے ، جس نے بحالی کے معیارات اور قانون سازی کے قواعد و ضوابط کی تعمیل کرتے ہوئے ایئرپورٹ کے ڈیزائن کی ضروریات ، آپریشنل کارکردگی اور مستقبل کے آپریشنل خطرات کو کم سے کم کیا۔ جامع ٹیسٹنگ اور کمیشننگ میں ایئرپورٹ کے پورے بنیادی ڈھانچے کو شامل کیا گیا ، جس میں رن وے ، ٹیکسی وے ، ایپرن ، برقی نظام ، ٹیلی مواصلات نیٹ ورک ، سیکیورٹی خصوصیات ، پانی کی فراہمی کا نظام ، اور گرڈ اسٹیشن شامل ہیں ۔ سول ایوی ایشن اتھارٹی (سی اے اے)پاکستان کے ایک عہدیدار نے گوادر پرو کو بتایا کہ ٹیسٹنگ اور کمیشننگ انجینئرنگ تکنیک اور طریقہ کار کا ایک سلسلہ ہے جو انفرادی افعال سے لے کر پیچیدہ نظاموں تک کسی منصوبے کے ہر آپریشنل جزو کو چیک، معائنہ اور جانچنے کے لئے ڈیزائن کیا گیا ہے۔ بنیادی مقصد اس بات کو یقینی بنانا ہے کہ تعمیرات، پروسیسنگ اور تنصیب سمیت تمام عناصر صلاحیت، استعمال اور ضروریات کے مطابق کام کریں۔ گوادر پرو کے مطابق گزشتہ جولائی میں وزیر اعظم شہباز شریف نے چین کی مالی اعانت سے چلنے والی این جی آئی اے کے ایئربیس انفراسٹرکچر کا افتتاح کیا تھا جس میں سول، ٹیکنیکل، الیکٹریکل اور کمیونیکیشن کی سہولیات کے ساتھ ساتھ جدید متعلقہ سروسز بھی شامل ہیں۔ گوادر پرو کے مطابق اگلے مرحلے میں ایک کارگو کمپلیکس کی تعمیر نظر آئے گی جو متنوع کارگو اقسام کو سنبھالنے کے لئے ڈیزائن کیا گیا ہے۔ این جی آئی اے کی تکمیل کے بعد یہ پاکستان کا سب سے بڑا اور اوپن اسکائی پالیسی کے تحت کام کرنے والا ملک کا دوسرا ہوائی اڈہ ہوگا۔ اس میں اے ٹی آر 72 اور بوئنگ بی 737 جیسے نیرو باڈی طیارے اور ایئربس اے 380 اور بوئنگ بی 747 جیسے وائڈ باڈی طیارے شامل ہوں گے جو گھریلو اور بین الاقوامی پروازوں کی سہولت فراہم کریں گے۔ ہوائی اڈے کی ترقی سول ایوی ایشن اتھارٹی(سی اے اے) کی رہنمائی میں ہے۔ گوادر پرو کے مطابق 60.208 ارب روپے کی لاگت سے این جی آئی اے چین پاکستان اقتصادی راہداری(سی پیک) کا فلیگ شپ منصوبہ ہے۔ یہ ہوائی اڈہ 4300 ایکڑ پر پھیلا ہوا ہے اور بلوچستان کے جنوب مغربی بحیرہ عرب کے ساحل پر موجودہ گوادر سٹی ہوائی اڈے سے 26 کلومیٹر شمال مشرق میں واقع ہے۔

کریڈٹ: انڈیپنڈنٹ نیوز پاکستان-آئی این پی