گوبھی کی قیمت 50 روپے من ہونے پر نارووال کے بعد شکر گڑھ سبزی منڈی میں بھی دلبرداشتہ زمیندار نے فری میں تقسیم کردی دی۔زمیندار نے ایک من سے زائد گوبھی فری عوام میں تقسیم کی جبکہ اس کے ساتھ کولڈرنگ بھی پلانے کی آفر دی۔ سبزی منڈی میں موجود شہری مفت گوبھی تھیلوں میں بھر کر لے گئے۔گزشتہ روز فصل کی مناسب قیمت نہ ملنے پر کاشت کار نے انوکھا احتجاج کرتے ہوئے 50 من گوبھی لوگوں میں مفت بانٹ دی تھی۔ صادق آباد کے ایک تاجر نے سبزی منڈی میں گوبھی سے بھری پوری گاڑی مفت میں خالی کر دی تھی اور ساری سبزی ہوا میں اچھال کر لوگوں میں بانٹی۔دلبرداشتہ کاشتکار کا کہنا تھا کہ منڈی میں گوبھی کا بھا دو روپے فی کلو لگ رہا ہے جبکہ فصل تیار کرنے میں ہمارا خرچہ ہی 30 سے 40 ہزار روپے تک آتا ہے۔مدثر عمر کا کہنا تھا کہ اپنی گوبھی دو روپے فی کلو بیچنے سے بہتر ہے کہ غریبوں میں مفت بانٹ دوں، ا یک انٹرویو میں مدثر نے حکومت سے بجلی اور کھاد پر سے ٹیکس ختم کرنے کا مطالبہ کیا۔

کریڈٹ: انڈیپنڈنٹ نیوز پاکستان-آئی این پی